Kleopatra Tours er íslensk ferðaskrifstofa sem sérhæfir sig í ferðum til Mið-Austurlanda og Afríku.
Ferðaskrifstofan var stofnuð árið 2019 af Omar Salama. Omar hefur búið á Íslandi í 18 ár og margir Íslendingar tengja hann við skák á Íslandi. Hann hefur ferðast til fjölmargra landa í gegnum skák og hefur mikla þekkingu á menningu um allan heim. Omar er fæddur og uppalinn í Egyptalandi, hann fæddist í Alexandríu og bjó í Kaíró til 25 ára aldurs, þegar hann flutti til Íslands.
Kleopatra Tours hefur farið með fjölmarga hópa til Egyptalands og Jórdaníu, og bjóðum við núna upp á 5 ferðir til Egyptalands á ári og 2 ferðir til Jórdaníu á ári. Allir okkar farþegar hafa verið mjög ánægðir með ferðirnar og leggjum við okkur fram við að veita persónulega þjónustu. Ferðirnar okkar eru skipulagðar af kostgæfni þannig að hægt sé að njóta sem best alls þess sem við fáum að upplifa á þessum framandi slóðum.