Ferðalýsing
Í þessari Suður-Ameríku ferð fáum við að upplifa nokkra af einstökustu stöðum heims. Það er stórkostleg upplifun að ferðast um Argentínu, Brasilíu og Úrúgvæ. Gífurlega fjölbreytt lönd með stórfenglegri náttúru og ríkri sögu. Í Argentínu munum við byrja ferðina í stórborginni Buenos Aires sem er full af sögu, mikilfenglegum byggingum, breiðustu breiðgötu í heimi þar sem andrúmsloft tangó og sögunnar svífur í loftinu. Þetta er heimsókn full af upplifunum, meðal annars La Boca, Casa Rosada, sigling á breiðasta fljóti heims og tangósýning. Við siglum einnig yfir til nágrannalandsins Úrúgvæ þar sem við heimsækjum portúgalska nýlendubæinn Colonia del Sacramento, einn af elstu bæjum landsins.. Þar næst höldum við til hinna stórbrotnu Iguazu fossa, sem eru meðal fallegustu og mikilfenglegustu fossum heimsins. Síðast en ekki síst endum við ferðina í Río de Janeiro í Brasilíu þar sem við förum upp að hinni þekktu Kristsstyttu, förum með kláfi upp á Sykurtoppinn auk góðs tíma til að njóta þekktra stranda eins og Copacabana. Það má með sanni segja að þessi ferð sé ógleymanleg og full af upplifunum með tíma til hvíldar inn á milli.
Ingibjörg Björnsdóttir er fararstjóri í ferðinni. Hún féll fyrir Argentínu og Suður-Ameríku árið 2008 þegar hún fór í spænsku nám í Buenos Aires og skiptinám til Úrúgvæ. Hún er vanur fararstjóri Kleopatratours í Suður Ameríku og framandi löndum. Hún hefur ferðast og verið búsett víða og meðal annars skipulagt ferðir til Afríku, Evrópu og Suður-Ameríku. Hún er með BA-próf í viðskiptafræði, tungumálum og menningu frá Copenhagen Business School 2009 og meistaragráðu í þjónustustjórnun með áherslu á ferðamálafræði einnig frá Copenhagen Business School 2012. Ingibjörg talar góða spænsku og þykir afskaplega skemmtilegt að ferðast með gestunum okkar um Suður Ameríku og deila upplýsingum um land og þjóð á hverjum stað.
Dagur 1: 31. mars- Ferðadagur: Keflavík til Frankfurt og Frankfurt til Buenos Aires
Við fljúgum með Lufthansa frá Keflavík til Frankfurt kl. 14:20 og lendum kl. 19:50, og fljúgum svo til Buenos Aires kl. 21:40 í næturflugi.
Dagur 2: 1. apríl – Komum til Buenos Aires
Við lendum í Buenos Aires kl. 06:20 þar sem rúta bíður okkar á flugvellinum og keyrir okkur á hótelið okkar, við innritum okkur (herbergin eru tilbúin við komu) og gistum fyrstu fjórar næturnar. Hótelið er staðsett miðsvæðis í Buenos Aires og í göngufæri frá mörgum af helstu kennileitum borgarinnar, eins og Teatro Colón leikhúsinu, Café Tortoni og Palacio Barolo auk göngugötunnar Calle Florida.
Við höfum tíma til að hvíla okkur eftir ferðalagi og seinnipartinn förum við í stutta ferð um Buenos Aires þar sem við byrjum á að kynnast suður hluta borgarinnar og þá sérstaklega Plaza de Mayo torginu og La Boca hverfinu. La Boca hverfið er litríkt hverfi þar sem margir af þekktustu fótboltamönnum Argentínu hafa spilað, meðal annars Maradona. Plaza de Mayo torgið er aðaltorg Buenos Aires og þekkt fyrir að vera staðsetning samstöðufunda í landinu. Á torginu er Casa Rosada staðsett eða bleika húsið þar sem skrifstofa forsetans og ríkistjórnin er staðsett.
Við borðum sameiginlegan kvöldverð saman rétt við hótelið okkar.
(Morgunverður og kvöldverður innifalinn)
Dagur 3: 2. apríl – Skoðunarferð um Buenos Aires
Dagur 4: 3. apríl Tigre og fljótið Río de la Plata og Tangó sýning í San Telmo
Við byrjum daginn á fljótasiglingu á Río de la Plata sem þýðist sem silfurfljótið sem er breiðasta á í heimi. Eftir klukkustundarsiglingu komum við að óshólmum Parana, þar siglum við í gegnum mjóa farvegi og framhjá eyjum sem er vinsæll helgaráfangastaður fyrir Porteños (íbúa Buenos Aires) og heimili þúsunda “isleños” (eyjabúa).
Í hádeginu stoppum við í Tigre, mikilvægri borg í úthverfi Buenos Aires, þar sem við fáum okkur drykk og týpiskt argentínskt snarl, þar á meðal „empanadas“ í fallegu umhverfi. Í ferðinni munum við einnig heimsækja the Fruit’s Market, sem er markaður þar sem heimamenn versla og hægt er að finna skemmtilega minjagripi.
Um kvöldið förum við í sameiginlegan þriggja rétta kvöldverð og á tangó sýningu í hjarta San Telmo, elsta hverfi Buenos Aires. Á sýningunni eru yfir 30 listamenn á sviði með lifandi tónlist. Það er eins og að ferðast aftur í tímann að koma inn í fallega bygginguna og upplifabæði bæði tangó og þjóðdans.
(Morgunverður, léttur hádegisverður og kvöldverður innifalinn)
Dagur 5: 4. apríl – Frjáls dagur í Buenos Aires – Valfrjáls heimsókn á argentínskan búgarð
Valfrjáls aukaferð: Dagsferð á argentínskan búgarð þar sem við kynnumst hinum argentínska „Gaucho“ (kúreka), borðum empanadas og fáum okkur hið fræga argentínska asado (grill) í hádegismat.
(Morgunverður innifalinn)
Dagur 6: 5. apríl- Úrúgvæ – Colonia del Sacramento
Eftir morgunverð skreppum við yfir til Úrúgvæ sem er staðsett mitt á milli Argentínu og Brasilíu. Þau sem koma frá Úrúgvæ segja að þau komi frá mjög fámennu landi en þar búa 3 milljónir sem eru ekki margir þegar miðað er við nágrannalöndin. Við förum með ferjunni yfir Río de la Plata fljótið og það er sem við stígum aftur til fortíðar þegar við fáum að kynnast Colonia del Sacramento sem er á heimsminjaskrá UNESCO. Við byrjum á að ganga um bæinn með leiðsögumanni þar sem við sjáum fallegar portúgalskar og spænskar byggingar frá nýlendutímanum, blómafyllt torg og krókótta steinvölustíga.
Við fáum frítíma í þessum fallega bæ og innritum okkur inn á hótelið okkar í Colonia del Sacramento þar sem við gistum nóttina.
(Morgunverður og hádegisverður innifalinn)
Dagur 7: 6. apríl – Vínsmökkun og Montevideo – Höfuðborg Úrúgvæ
Eftir morgunverð skráum við okkur út af hótelinu og höldum áfram að skoða okkur um í Úrúgvæ. Á leiðinni til Montevideo stoppum við á einni af mörgum vínekrum svæðisins þar sem hágæða vín og ólífuolía er framleidd, þar fáum við að smakka útvalda framleiðslu frá vínekrunni, hefðbundna osta frá Colonia og útvalin vín og borðum hádegisverð.
Við höldum svo ferðinni áfram til Montevideo sem er syðsta höfuðborg Ameríku, við förum í skoðunarferð um borgina og fáum að kynnast sögu borgarinnar og Úrúgvæ ennþá betur.
Eftir skoðunarferðina siglum við með ferjunni frá Montevideo aftur til Buenos Aires(2,5 klst) og gistum nóttina á NH Tango Hotel (4*).
(Morgunverður og hádegisverður innifalinn)
Dagur 8: 7. apríl – Iguazu
Eftr morgunverð höldum við upp á flugvöll og fljúgum í innanlandsflugi til Iguazu, flugtíminn er tæplega 2 klukkustundir. Við innritum okkur inn á hótelið okkar, Iguazu Falls and Spa (4*) þar sem við gistum næstu þrjár næturnar.
(Morgunverður innifalinn)
Dagur 9: 8. apríl – Iguazu fossarnir Argentínu megin
Hvað eru fallegustu fossar sem þú hefur séð? Flestir sem hafa séð Iguazu fossana segja þá vera þá fallegustu. Við hlökkum til að heyra hvað hópurinn okkar segir eftir daginn í dag. Við heimsækjum argentísku hlið fossanna, sem eru staðsettir í regnskóginum. Við göngum í fallegum gróðri þar sem eru fjölbreyttir fuglar og stór fiðrildi flögrandi um og upplifum þessa stórfenglegu fossa.
(Morgunverður og hádegisverður innifalinn)
Dagur 10: 9. apríl – Iguazu fossarnir Brasilíu megin
Eftir morgunverði höldum við til Brasilíu og fáum að skoða Iguazu fossana Brasilíu megin. Eftir að við skoðum fossana borðum við saman hádegisverð og ef tíminn leyfir gefst þeim sem vilja tækifæri til að fara í þyrluflug yfir fossana. Við höldum svo aftur til Argentínu þar sem við gistum nóttina.
(Morgunverður og hádegisverður innifalinn)
Dagur 11: 10. apríl – Rio de Janeiro
Eftir morgunverð höldum við upp á flugvöll og fljúgum því næst til hinnar fallegu Ríó de Janeiro. Flugið tekur tæplega 2 klukkustundir.
Við innritum okkur inn á hótelið okkar, Rio Othon Palace sem er staðsett í hjarta Copacapana strandarinnar á Avenida Atlantida þar sem við gistum næstu 5 næturnar. Allir gestir eru bókaðir í betri herbergi sem eru með útsýni á Copacabana ströndina og hafið og morgunverði á Skylab sem er staðsett á 30 hæð hótelsins.
Dagur 12: 11. apríl – Corcovado, Kristsstyttan og Santa Teresa
Í dag byrjum við að kynnast Ríó de Janeiro betur. Við förum í lest sem fer með okkur upp fallegu fjallshlíðina upp að Kristsstyttunni frægu sem gnæfir yfir Ríó. Hún var valin ein af sjö nýju undrum veraldar og er í rúmlega 700 metra hæð yfir sjávarmáli. Við höfum einnig tíma til þess að dást að útsýninu yfir Ríó de Janeiro frá einum af flottustu útsýnisstöðunum. Við skoðum okkur svo meðal annars um í Santa Teresa hverfinu sem er með sjarmerandi litlum götum, galleríum og menningarhúsum með útsýni yfir Guanabara flóann og sjáum hinar frægu Selaron tröppur í Lapa hverfi Ríó. Eftir þennan dag munum við finna að við höfum kynnst bæði sögu og menningu Ríó de Janeiro betur.
(Morgunverður og hádegisverður innifalinn)
Dagur 13: 12. apríl – Ríó de Janeiro – Sugar Loaf fjallið
Eftir morgunverð höldum við upp á Sykurtoppinn sem er eitt helsta kennileiti Ríó. Hinn frægi Sykurhleifstoppur rís frá litlum skaga í byrjun Guanabara skagans. Við munum fara upp með kláfi þar sem við fáum 360 gráðu útsýni yfir borgina, Copacapana og Botafogo strendurnar, Corcovado og miðbæ Ríó. Eftir ferðina borðum við hádegisverð saman á Brasilísku grillhúsi.
(Morgunverður og hádegisverður innifalinn)
Dagur 14: 13. apríl – Frjáls dagur í Ríó de Janeiro
Í dag er frjáls dagur til að njóta í Ríó de Janeiro og fallegu strandanna.
(Morgunverður innifalinn)
Dagur 15: 14. apríl – Frjáls dagur í Ríó de Janeiro
Í dag er frjáls dagur til að njóta í Ríó de Janeiro og fallegu strandanna.
Valfrjáls aukaferð: Heimsókn í Grasagarð Rio de Janeiro. Grasagarðurinn var stofnaður 1817 af portúgalska konungnum John VI, þegar Rio de Janeiro var höfuðborg Portúgal. Þar er að finna gífurlegt magn af sjaldgæfum og framandi plöntum frá öllum heiminum.
(Morgunverður og kvöldverður innifalinn)
Dagur 16: 15. apríl – Fljúgum aftur heim til Íslands
Í dag er heimferðardagur. Við borðum morgunverð og um hádegi skráum við okkur út af hótelinu og höldum út á flugvöll. Við fljúgum með Lufthansa til Frankfurt kl. 16:15, flugið tekur 11 tíma og 15 mínútur, við millilendum í Frankfurt og fljúgum til Íslands klukkan 11:20 og lendum í Keflavík kl. 13:05 á íslenskum tíma daginn eftir.
Dagur 17: 16. apríl – Lendum á Íslandi
Við lendum í Keflavík kl. 13:05 á íslenskum tíma.
*athugið að dagskrá getur tekið breytingum
Ferðin kostar : 1.059.000 kr. á mann m.v. 2 fullorðin saman í herbergi.
Hægt er að bóka sig með í ferðina og greiða staðfestingargreiðslu hér
Einstaklingsherbergi kostar 225.000 kr. aukalega.
Staðfestingargreiðsla er 120.000 kr
Innifalið í ferðinni:
- Flug fram og til baka með Lufthansa
- Flugvallagjöld og skattar
- Ferðataska (23kg) og handfarangur
- Gisting í 14 nætur í tveggja manna herbergjum á 4*hótelum
- Innanlandsflug frá Buenos Aires til Iguazu og frá Iguazu til Ríó de Janeiro
- Íslensk fararstjórn
- Sérfróðir innfæddir enskumælandi leiðsögumenn
- Allar rútuferðir
- Morgunverður alla daga
- 3 kvöldverðir
- 7 hádegisverðir
- Allar skoðunarferðir og aðgangseyrir skv. ferðaáætlun
- Allar ferðir milli flugvalla og hótela, komu og brottfarastaða (ekki á Íslandi)
EKKI innifalið:
- Þjórfé
- Drykkir
- Aukaferðir
Mikilvægt:
- Mælt er með að gestir láti bólusetja sig gegn hinum hefðbundu sjúkdómum. Bóka má tíma og fá nánari upplýsingar hjá heilsugæslunni.
- Vegabréf þurfa að gilda í minnst sex mánuði frá komudegi til Brasilíu.
