Menningarferð til Egyptalands 05.-20. maí 2022

(5 customer reviews)

kr.489,000

SKU: 10 Categories: ,

Description

Menningarferð til Egyptalands

Einstök 15 daga ferð til Egyptalands. Í ferðinni fáum við að kynnast fornri menningu Egypta sem er meira en 6000 ára gömul, með íslenskumælandi Egypta sem fararstjóra, við gistum í Cairo með útsýni á pýramídana og við Níl ánna, heimsækjum Alexandríu, og Aswan ásamt 3 nátta ógleymanlegri siglingu niður Níl ánna á fljótaskip og 3 nátta dvöl við Rauðahafið.

Omar Salama er fararstjóri í ferðinni, hann hefur búið á Íslandi síðastliðin 16 ár, en er fæddur og uppalinn í Egyptalandi. Það þekkja hann margir Íslendingar úr skákheiminum. Hann fæddist í Alexandríu og bjó svo í Kaíró til 25 ára aldurs, þegar hann flutti til Íslands. Hann þekkir því vel menningu bæði Egyptalands og Íslands og hefur mikla þekkingu á þessu fjölmenna landi þar sem búa fleiri en 100 milljón manns. Í ferðin okkar verða líka sérfróðir innfæddir enskumælandi fararstjórar ásamt Omari .

Í þessari ferð heimækjum við Sfinx og píramídana, eitt af sjö undrum veraldar. Við heimsækjum líka musteri faróanna, moskur og markaði, förum í þriggja daga fljótasiglingu á Níl, heimsækjum dal konunganna, og við endum svo við Rauðahafið þar sem við getum slakað á og notið sólarinnar á all inclusive 5 stjörnu resort.

Dagur 1: 5. maí – Ferðadagur til Egyptalands

Við ferðumst með Lufthansa frá Íslandi kl. 13:50 með tveggja tíma millilendingu í Frankfurt. Við komuna til Kaíró tékkum við okkur inn á Steigenberger Pyramids Cairo.

   Útsýni frá Steigenberger hótelinu okkar yfir píramídana.

Dagur 2: 6. maí  –Kastalinn í Kaíró og Egypska safnið

Í dag byrjum við að kynnast stórborginni Kaíró. Við heimsækjum Salah El Din kastalann í hjarta borgarinnar og þjóðminjasafn Egyptalands. 

(Morgunverður og hádegisverður innifalin)

Dagur 3: 7. maí – Píramídarnir, Sfinxinn og Sakkara

Eitt af sjö undrum veraldar

Eftir morgunmat er komið að því að skoða það sem flestir hafa beðið eftir, að sjá píramídana og Sfinxinn í Giza. Við byrjum ferðina á að skoða Sakkara sem var undanfari píramídana. 

Við borðum hádegismat og kvöldmat á milli heimsókna á vinsælum Egypskum veitingastöðum í Kaíró.

(Morgunverður og hádegisverður innifalinn)

Dagur 4: 8. maí – Alexandría

 

 

Við ætlum að vakna snemma og tékka okkur út og fara til Alexandríu.  Þar munum við skoða Qaitbay virkið og tékka okkur inn á Steigenberger Cecil hótelið og fáum okkur kvöldverð á hótelinu. Sögufræga hótelið var byggt árið 1929 og í gegnum tíðina hafa margir frægir gist á hótelinu, meðal annars Winston Churchill sjálfur. 

Steigenberger Cecil Hotel Alexandria
Steigenberger Cecil Hotel Alexandria

 

(Morgunverður og kvöldverður innifalinn)

Dagur 5: 9. maí – Alexandría – Kaíró

Alexandria

Eftir morgunmat heimsækju við hið þekkta bókasafn Alexandríu, Bibliotheca Alexandrina. Á leiðinni aftur til Kaíró heimsækjum við klaustur Wadi el Natroun. Við tékkum okkur inn á Steigenberger Tahrir í hjarta Kaíró og fáum okkur kvöldmat saman þar.

(Morgunverður og kvöldverður innifalinn)

Dagur 6: 10. maí – Frjáls dagur

Söfnum orku, og njótum þess að vera í hjarta Kaíró rétt við Níl ánna.

Dagur 7: 11. maí – Aswan, Elefantín eyjan

Eftir morgunverðinn skráum við okkur út af hótelinu og fljúgum niður til suður Egyptalands þar sem við byrjum upplifun okkar af hinu töfrandi Egyptalands hins forna í Aswan.  

Við gistum í tvær nætur á Elefantín eyjunni sem er á menningarminjaskrá UNESCO. Við tékkum okkur inn á 5 stjörnu Mövenpick resort og fáum kvöldverð á hótelinu. 

(Morgunverður og kvöldverður innifalinn)

Dagur 8: 12. maí – Aswan stíflan, Philae hofið og obelisk

Eftir morgunmat förum við með bát og skoðum háu Aswan stífluna, Philae hofið og hina ókláraðu obilisk súlu í Aswan. 

(Morgunverður innifalinn)

Philae Hofið

Dagur 9: 13. maí – Sigling á Nílarfljótinu

Snemma morguns er VAL að bæta við heimsókn í Abu Simbel musterið.

Í dag byrjum við þriggja daga siglinguna á Nílarfljótinu til Luxor.

Eftir morgunmat tékkum við okkur inn á Sonesta Saint George fimm stjörnu fljótabátinn okkar, sem er einn flottasti 5 stjörnu báturinn sem siglir á Níl ánni. Við byrjum á að koma okkur fyrir í káetunum okkar og borðum hádegismat á skipinu.

Það er stór upplifun að sigla eftir Níl, lengsta fljóti í Afríku þar sem báðir bakkar fljótsins eru fullir af leyndardómum Egyptalands. Við njótum útsýnisins frá bátnum og slökum á restina af deginum, og borðum svo kvöldmat á bátnum.

(Morgunverður, hádegisverður og kvöldverður innifalinn)

Þeir sem vilja geta byrjað daginn á að heimsækja Abu Simbel, eitt af frægustu musterum heimsins

 

Dagur 10: 14. maí – Siglum frá Aswan til Luxor 

Við njótum siglingarinnar og heimsækum Kom Ombo musterið.

Við heimsækjum Edfu Musterið á hestvagni. Musterið er risastórt og mikilfenglegt.

Á leiðinni til Luxor siglum við í gegnum Esna skipastigann sem er merkileg upplifun, skipið fer frá suður hliðinni til norðurhliðarinnar með lægra vatnsmagni.

(Morgunverður, hádegisverður og kvöldverður innifalinn)

Dagur 11: 15. maí – Sigling á Nílarfljótinu

Eftir morgunmat á skipinu förum við og skoðum Luxor.

Musteri Hatshepsut

 

Við heimækjum vesturbakka Luxor, meðal annars Konungadalinn í Luxor, drottningardalinn og musteri Hatshepsut drottningarinnar. 

Hægt er að bæta við að heimækja gröf farósins Tutankhamun. 

Við borðum bæði hádegismat og kvöldmat í Luxor.

Aukamöguleiki: Þeir sem vilja geta bætt við ferð í loftbelg yfir Luxor.

(Morgunverður, hádegisverður og kvöldverður innifalinn)

Dagur 12: 16. maí 

Í dag skoðum við austurbakka Luxor, Musteri Karnak, og Luxor musterið. Við borðum hádegismat í Luxor og keyrum svo til Hurgada. 

Við komuna til Hurgada tékkum við okkur inn á 5 stjörnu Jaz Aquamarine Resort, þar sem við dveljum í 3 nætur. Á hótelinu er allt innifalið, bæði matur og allir drykkir. 

Hótelið okkar í Hurghada

Það eru 20 sundlaugar á svæðinu, 3 vatnsrennibrautagarðar og beinn aðgangur að einkaströnd.

Frá kafbátaferð í Hurghada

Dagur 13: 17. maí – Frjáls dagur í Hurgada

Í Hurgada eru allskonar auka ferðir í boði, og hægt er að panta þær, fyrir þá sem vilja, þegar komið er á staðinn. Vinsælast hefur tildæmis verið að fara á mótorhjól í Sahara eyðimörkinni, kafbátaferð í Rauðahafinu, snorkling og fleira.

Dagur 14: 18. maí – Frjáls dagur í Hurgada

Eða bara að njóta einu af bestu resorts í Hurghada og liggja á sólarbekk og njóta góða veðursins.

Dagur 15: 19. maí – Ferðast til Kaíró

Tékkum okkur út af hótelinu og eftir hádegismat fljúgum við til baka til Kaíró.

Hvílum okkur fyrir heimferðardag.

Okkar siðasta nótt verður á Le Meridian Cairo Airport 5*

(Morgunverður og hádegisverður innifalinn)

Dagur 16: 20. maí – Ferðast heim til Íslands

Tékkum okkur út og fljúgum kl 13:50 aftur heim og komum til Íslands kl 23:30 sama dag.

Innifalið í ferðinni:

  • Flug fram og til baka með Lufthansa .
  • Flugvallagjöld og skattar
  • Ferðataska og handfarangur
  • Íslensk fararstjórn
  • Innanlands flug frá Kaíró til Aswan og frá Hurghada til Kaíró
  • Morgunverður alla daga
  • Fullt fæði á fljótaskipi (3 nætur)
  • Fullt fæði í Hurghada og alla drykkir líka innifaldir
  • Allar rútuferðir í loftkældum rútum
  • Háðegisverðir og kvöldverðir samkvæmt ferðalýsing.
  • Allar skoðunarferðir og aðgangseyrir skv. ferðaáætlun
  • Sérfróður innfæddur enskumælandi farastjóri
  • Allar ferðir milli flugvalla og hótela, komu og brottfara staða (ekki á Íslandi)
  • Áritun til Egyptalands, fæst  á flugvellinum í Kaíró fyrir Íslenska ríkisborgara

EKKI innifalið:

  • þjórfé
  • aðgangur inn í pýramídana, aðgangur að The Royal Mummy room í Egypska safninu, eða aðgangur að Tutankhamun Tomb í Konungadalnum. Má kaupa það á staðnum.

Mikilvægt:

Mælt er með að fólk láti bólusetja sig gegn hinum hefðbundu sjúkdómum. Bóka má tíma og fá nánari upplýsingar hjá https://vinnuvernd.is/thjonusta/ferdavernd/

Hægt er að bóka og greiða staðfestingargjald í tveggja manna herbergi hér. 

KLEOPATRA TOURS

Kleopatra Tours er Íslensk ferðaskrifstofa sem býður upp á ferðir til Mið-Austurlanda.

Omar Salama hefur búið á Íslandi í 15 ár, en bjó í Egyptalandi þar til hann var 24 ára. Hann hefur ferðast til fjölmargra landa í gegnum skák og hefur mikla þekkingu á menningu um allan heim.

 

5 reviews for Menningarferð til Egyptalands 05.-20. maí 2022

  1. Sísí

    Ég fór með Omari til Egyptalands í apríl og ferðin var frábær. Náðum að gera og sjá svo margt skemmtilegt og fræðast um magnaða sögu þessa lands.
    Mæli 110% með Omari og þessari frábæru ferð!

  2. Jensína Edda Hermannsdóttir

    Ég mæli sannarlega með Kleopatra tours. Ferðin okkar til Egyptalands var mögnuð. Það er hægt að treysta öllu og allt gert til að fólki líði vel og er öruggt. Lífsins ævintýri ♥️

  3. Ásdís

    Hvílíkt ævintýri að fara með Ómari og Kleopatra tours til Egyptalands. Allt mjög vel skipulagt, haldið vel utan um hópinn og Egyptaland auðvitað stórkostlegt land að skoða. Minning um að vera á baki úlfalda með Sahara á aðra hönd og pýramída á hina mun aldrei gleymast. Mæli svo sannarlega með Kleopatra tours🐪🐪

  4. Aldís

    Ég fór í ferð með Ómari og kleopatra tours um páskana sem var æðisleg. Ég mæli algjörlega með þessari ferð. Frábær upplifun, skemmtileg ferð og skoðuðu áhugaverða staði og fræddumst um magnaða menningu og sögu Egyptalands. ❤ Ferð sem allir ætti að skella sér í. ❤ Vel skipulagt og haldið vel utan um alla og passað uppá vellíðan ferðalanga. Takk Ómar fyrir að bjóða upp á svona topp ferð. ❤❤❤

  5. Iris Arnadottir

    Fór í stórkostlega ferð til Egyptalands í janúar 2020. Mæli algjörlega með þessari ferðaskrifstofu og Omari.

Add a review

Your email address will not be published. Required fields are marked *