Ferðalýsing
Menningar og sólarferð til Egyptalands
Einstök 14 daga ferð til Egyptalands. Í ferðinni fáum við að kynnast fornri menningu Egypta sem er meira en 6000 ára gömul, með íslenskum fararstjóra og enskumælandi egypskum Egyptalandsfræðingi. Við gistum í Kaíró með útsýni yfir Níl ánna, fljúgum svo suður til Aswan þar sem við gistum á elephantin eyjunni á Níl, og hefjum svo 3 nátta ógleymanlegri siglingu niður Níl ánna, lífæð Egyptalands, á Mövenpick fljótaskipi til Luxor og endum á 3 nátta dvöl við Rauðahafið.
Omar Salama er fararstjóri í þessari ferð. Hann er fæddur og uppalinn í Egyptalandi en hefur búið á Íslandi í nærri 20 ár, og talar mjög góða íslensku. Margir Íslendingar úr skákheiminum þekkja til Omars, þar sem hann hefur verið skákdómari í mörgum stærstu mótum Íslands, sem og fjölmörgum heimsmeistaramótum erlendis. Omar fæddist í Alexandríu og bjó í Kaíró til 25 ára aldurs, þegar hann flutti til Íslands. Hann þekkir því vel menningu bæði Egyptalands og Íslands og hefur mikla þekkingu á Egyptalandi sem er fjölmennt land þar sem búa fleiri en 100 milljón manna. Í ferðinni okkar verður einnig sérfróður enskumælandi leiðsögumaður sem er Egyptalandsfræðingur, ásamt Omari .
Hægt er að bóka sig með í ferðina og greiða staðfestingargreiðslu hér.
Dagur 1: 11. janúar – Ferðadagur til Egyptalands
Við fljúgum frá Íslandi kl. 14:40 með Icelandair og millilendum í Istanbúl, við fljúgum svo áfram til Kaíró með Turkish Airlines og lendum í Kaíró kl. 03:40 (kl. 01:40 á íslenskum tíma). Rúta bíður okkar á flugvellinum og keyrir okkur á hótelið. Við komuna til Kaíró tékkum við okkur inn á hið glæsilega 5 stjörnu InterContinental Semiramis Cairo Hotel í hjarta Kaíró, við Tahrir torgið og með útsýni á Níl ánna, þar sem við gistum fyrstu 3 næturnar.
Dagur 2: 12. janúar – Kastalinn í Kaíró og gamla Kaíró
Í dag fáum við að kynnast stórborginni Kaíró betur. Við heimsækjum Salah El Din borgarvirkið í hjarta borgarinnar og gömlu Kaíró.
(Morgunverður, hádegisverður og kvöldverður innifalinn)
Dagur 3: 13. janúar – Píramídarnir og GEM – nýja þjóðminjasafn Egyptalands
Eftir morgunmat er komið að því að skoða það sem flestir hafa beðið eftir, að sjá píramídana og Sfinxinn í Giza. Við höfum góðan tíma til að skoða píramídana og þau sem vilja geta farið á kameldýrbak.
Eftir heimsóknina heimsækjum við hið nýja þjóðminjasafn Egyptalands GEM (Grand Egyptian Museum) sem Egyptar eru mjög stoltir af. Þar er meðal annars hægt að sjá Gullgrímu Tutankhamun.
Við borðum hádegisverð á milli heimsókna á vinsælum Egypskum veitingastað.
(Morgunverður og hádegisverður innifalinn)
Dagur 4: 14. janúar– Khan el Khalili og suður til Aswan
Eftir morgunverðinn skráum við okkur út af hótelinu, við byrjum á að heimsækja hinn 600 ára markað Khan el Khalili og höldum svo út á flugvöll þaðan sem við fljúgum til suður Egyptalands þar sem við byrjum upplifun okkar af hinu töfrandi Egyptaland hins forna í Aswan.
Við tékkum okkur inn á 5 stjörnu Movenpick Resort Aswan Hotel á Elefantín eyjunni og gistum næstu tvær næturnar þar.
Hægt er að njóta glæsilegs kvöldverðarhlaðborðs Mövenpick úti á verönd hótelsins.
(Morgunverður og kvöldverður innifalinn)
Dagur 5: 15. janúar – Há stíflan, Philae hofið og hin ókláraða Obelísk
Eftir morgunverð munum við skoða háu Aswan stífluna, Philae hofið og hina ókláruðu broddsúlu.
Frjáls tími restina af deginum.
(Morgunverður og hádegisverður innifalinn)
Dagur 6: 16. janúar – Frjáls dagur – Val að heimsækja Abu Simbel
Eldsnemma morguns er VAL að bæta við heimsókn í Abu Simbel musterið, eitt af frægustu musterum heimsins.
Eftir morgunverð tékkum við okkur inn á fimm stjörnu fljótabátinn okkar. Við byrjum á að koma okkur fyrir í káetunum okkar og borðum svo hádegismat á bátnum. Frjáls tími restin af deginum þar sem hægt er að skoða sig um í Aswan eða njóta þess að vera á fljótabátnum.
Seinni partinn er valfrjáls sigling á Felucca bát á Nílánni, þar sem farið er í heimsókn í lítið Nubian þorp.
(Morgunverður, hádegisverður og kvöldverður innifalinn)
Dagur 7: 17. janúar – Sigling á Níl og Kom Ombo og Edfu musterin
Í dag byrjum við siglinguna á Nílarfljótinu til Luxor. Það er stór upplifun að sigla eftir Níl, lengsta fljóti í Afríku þar sem báðir bakkar fljótsins eru fullir af leyndardómum Egyptalands.
Við njótum siglingarinnar og heimsækum Kom Ombo musterið.
Eftir hádegisverð heimsækjum við Edfu Musterið á hestvagni. Musterið er risastórt og mikilfenglegt.
Við njótum útsýnisins frá bátnum og slökum á restina af deginum, og borðum svo kvöldmat um borð í bátnum.
(Morgunverður, hádegisverður og kvöldverður innifalinn)
Dagur 8: 18. janúar – El Karnak og Luxor musterin
Við höldum siglingunni áfram og siglum til Luxor. Á leiðinni til Luxor siglum við í gegnum Esna skipastigann sem er merkileg upplifun, skipið fer frá suður hliðinni til norðurhliðarinnar með lægra vatnsmagni.
Í dag heimsækum við austurbakka Luxor. Við byrjum á heimsókn í El Karnak musterið, stærsta musteri heimsins.
Við heimækjum sama dag einnig hið glæsilega Luxor musteri.
(Morgunverður, hádegisverður og kvöldverður innifalinn)
Dagur 9: 19. janúar – Dalur konunganna og Hatshepsut Mustri
Við borðum morgunverð snemma og tékkum okkur út af fljótabátnum.
Eftir morgunverð heimækjum við vesturbakka Luxor, meðal annars Konungadalinn í Luxor og musteri Hatshepsut drottningarinnar.
Hægt er að bæta við að að fara inn í grafhýsi Tutankhamun.
Við tékkum okkur inn á Luxor á Sonesta Saint George Luxor hótel og borðum kvöldverð á hótelinu.
(Morgunverður og kvöldverður innifalinn)
Dagur 10: 20. janúar – Luxor, Rauðahafið og Hurghada
Aukaferð er VAL fyrir þau sem vilja eldsnemma, þar sem flogið er í loftbelg yfir konungadalinn við sólarupprás.
Eftir morgunverð á hótelinu keyrum við með rútunni okkar eftir hraðbrautinni í gegnum eyðimörkina til Hurgada.
Við komuna til Hurgada tékkum við okkur inn á 5 stjörnu Jaz Aquamarine Resort, þar sem við dveljum í 3 nætur. Á hótelinu er allt innifalið, bæði matur og allir drykkir.
Það eru 20 sundlaugar á svæðinu, 3 vatnsrennibrautagarðar og beinn aðgangur að einkaströnd við Rauðahafið.
(Morgunverður, hádegisverður og kvöldverður innifalinn og drykkir (All Inclusive í Hurghada))
Dagur 11 og 12: 19. -21-22. janúar – Frjáls tími í Hurghada
Resortið okkar í Hurgada er stórt og flott og margir velja að vera á resortinu og njóta og hvíla sig eftir upplifun daganna á undan.
Í Hurgada eru allskonar auka ferðir sem hægt er að bæta við fyrir þau sem vilja, þegar komið er á staðinn. Til dæmis er hægt að fara á fjórhól í Sahara eyðimörkinni, kafbátaferð í Rauðahafinu, snorkling og fleira.
(Morgunverður, hádegisverður og kvöldverður innifalinn og drykkir (All Inclusive))
Dagur 13: 23. janúar – Ferðumst frá Hurghada og milllendum í Zurich
Morgunverður á Jaz Aquamarine resort, tékkum okkur út af hótelinu og rúta keyrir okkur á flugvöllinn. Við fljúgum heim til Íslands með millilendingu í Zurich. Lendum í Zurich kl. 16:40.
Tékkum okkur inn á flugvallarhótel nálægt flugvellinum í Zurich og gistum nóttina þar.
(Morgunverður innifalinn)
Dagur 14: 24. janúar – Ferðumst heim til Íslands
Tékkum okkur út snemma og fljúgu heim með Edelweisser og lendum aftur heima á Íslandi kl. 13:20.
(Morgunverður innifalinn)
* Athugið að dagskrá getur tekið breytingum
Ferðin kostar : 885.000 kr. á mann m.v. 2 fullorðin saman í herbergi. Einstaklingsherbergi kostar 225.000 kr. aukalega.
Innifalið í ferðinni:
- Flug til Egyptalands með Icelandair og Turkish Airlines og til baka með Edelweisser
- Flugvallagjöld og skattar
- Ferðataska (23 kg) og handfarangur
- Íslensk fararstjórn
- Sérfróður innfæddur enskumælandi leiðsögumaður
- Innanlands flug frá Kaíró til Aswan
- Morgunverður alla daga
- Fullt fæði á fljótaskipi (3 nætur)
- Fullt fæði í Hurghada og allir drykkir líka innifaldir (3 nætur)
- Allar rútuferðir í loftkældum rútum
- Allar rútur eru með wifi og alltaf vatnsflöskur innifaldar í rútunum
- Hádegisverðir og kvöldverðir samkvæmt ferðalýsingu
- Allar skoðunarferðir og aðgangseyrir skv. ferðaáætlun
- Allar ferðir milli flugvalla og hótela, komu og brottfara staða (ekki á Íslandi)
- Áritun til Egyptalands, á flugvellinum í Kaíró fyrir íslenska ríkisborgara
- Upplýsingafundur með fararstjóra og hópnum fyrir ferðina
EKKI innifalið:
- þjórfé
- Aukaferðir, valkvætt að bæta við: Aðgangur inn í pýramídana og/eða aðgangur að Tutankhamun Tomb í Konungadalnum. Má kaupa það á staðnum.
- Hægt að bæta við loftbelg yfir Luxor og ferð til Abu Simbel
- Aðrar auka ferðir eins og sigling í Núbían þorp
Mikilvægt:
- Mælt er með að fólk láti bólusetja sig gegn hinum hefðbundu sjúkdómum. Hægt er að fá nánari upplýsingar hjá heilsugæslunni og gegnum heilsuveru.
- Vegabréf þurfa að gilda í 6 mánuði eftir brottfaradag frá Egyptalandi.
