Ferðalýsing
Einstök 17 daga ferð til Egyptalands þar sem siglt er niður Níl ánna frá Aswan í Suður-Egyptalandi til Kaíró á fimm stjörnu fljótabátnum Mövenpick M/S Darakum í 13 daga/ 12 nætur og gist á glæsilegum 5 stjörnu hótelum í Kaíró og Aswan áður en komið er í bátinn.
Píramídarnir í Giza, Konungadalurinn og Karnak musterið eru frægustu og mest heimsóttu fornminjar Egyptalands og meðal þess sem við fáum að sjá í þessari ferð, en þetta er eingöngu lítill hluti af þeirri arfleifð sem forn Egyptar skildu eftir sig. Í þessari siglingu sem tekur okkur eftir endilöngu Egyptalandi munum við kynnast mun fleiri fornleifum sem gefur dýpri upplifun á afrekum faróanna og skilning á hvernig list þeirra og arkitektúr breyttist yfir þúsundir ára.
Það er stór upplifun að sigla eftir Níl, lengsta fljóti í Afríku og einni lengstu á heimsins, þar sem báðir bakkar fljótsins eru fullir af leyndardómum Egyptalands sem ber vitni ótrúlegs verkvits þessa tíma. Auk þess að kynnast fornminjum og ríkri sögu forn Egypta, þá eru ýmsar upplifanir um borð í fljótabátnum, meðal annars Galabaia partý, magadans, vínsmökkun og matreiðslukennsla.
Omar Salama er fararstjóri í þessari ferð. Hann er fæddur og uppalinn í Egyptalandi en hefur búið á Íslandi í nærri 20 ár, og talar mjög góða íslensku. Margir Íslendingar úr skákheiminum þekkja til Omars, þar sem hann hefur verið skákdómari í mörgum stærstu mótum Íslands, sem og fjölmörgum heimsmeistaramótum erlendis. Omar fæddist í Alexandríu og bjó í Kaíró til 25 ára aldurs, þegar hann flutti til Íslands. Hann þekkir því vel menningu bæði Egyptalands og Íslands og hefur mikla þekkingu á Egyptalandi sem er fjölmennt land þar sem búa fleiri en 100 milljón manna. Í ferðinni okkar verður einnig sérfróður enskumælandi leiðsögumaður sem er Egyptalandsfræðingur, ásamt Omari .
Hægt er að bóka sig með í ferðina og greiða staðfestingargreiðslu hér.
Dagur 1: 19. október – Ferðadagur til Egyptalands
Við fljúgum frá Íslandi með 1 millilendingu, til Kaíró. Rúta bíður okkar á flugvellinum og keyrir okkur á hótelið okkar. Við tékkum okkur inn á 5 stjörnu InterContinental Semiramis Cairo Hotel og gistum þar fyrstu 2 næturnar með útsýni á Níl ánna. Hótelið er staðsett í hjarta Kaíró við Tahrir torg, sem þekktast er fyrir hið svokallaða arabíska vor.
Dagur 2: 20. október – Pýramídarnir í Giza og GEM: þjóðminjasafn Egyptalands
Eftir morgunverð er komið að því sem margir hafa beðið eftir, við heimsækjum hina frægu píramída í Giza og Sfinxinn. Við borðum hádegismat á egypskum veitingastað og eftir hádegisverðinn heimsækjum við hið nýja glæsilega þjóðminjasafn Egyptalands, GEM sem tekur við af fyrsta þjóminjasafni Egyptalands í júlí 2025. GEM er eitt stærsta safn í heimi, með útsýni á píramídana og þar munum við meðal annars sjá gullgrímu og safn Tutankhamon.
(Morgunverður, hádegisverður og kvöldverður innifalinn)
Dagur 3: 21. október – Suður-Egyptaland: Aswan
Eftir morgunverðinn skráum við okkur út af hótelinu og fljúgum til suður Egyptalands þar sem við byrjum upplifun okkar af hinu töfrandi Egyptalandi hins forna í Aswan.
Við tékkum okkur inn á 5 stjörnu Movenpick Resort Aswan Hotel á Elefantín eyjunni og gistum fyrstu tvær næturnar í Aswan þar. Frjáls tími restin af deginum. Innifalið er glæsilegt kvöldverðarhlaðborð Mövenpick, sem hægt er að njóta úti á verönd hótelsins.
(Morgunverður og kvöldverður innifalinn)
Dagur 4: 22. október – Frjáls dagur í Aswan – Valferð til Abu Simbel
Eldsnemma er valfrjálst að bæta við ferð til Abu Simbel, eitt af frægustu musterum heimsins. Abu Simbel er staðsett syðst í Egyptalandi og var byggt af Ramses II, í kringum 1264 f.Kr. og er stórkostlegt dæmi um byggingarlist forn Egypta. Geislar sólarinnar ná að lýsa upp andlit Ramses II inni í musterinu tvisvar sinnum á ári, á afmælisdaginn hans þann 22. október og daginn sem hann var krýndur, þann 22. febrúar. Musterið var í hættu þegar hástíflan í Aswan var byggð, en allt musterið var fært með hjálp UNESCO.
Einnig er valfrjáls ferð seinni partinn, þar sem farið er á siglingu á littlum bát á Nílánni og farið er í heimsókn í lítið Nubian þorp.
(Morgunverður og kvöldverður innifalinn)
Dagur 5: 23. október – Hástíflan, Philae hofið og ókláraða obelísk
Eftir morgunverð skoðum við Hástífluna í Aswan, Philae hofið og hina ókláruðu broddsúlu sem Hatshepsut drottningin hafði í undirbúningi.
Eftir skoðunarferðir dagsins tékkum við okkur inn á MS Darakum Nile Cruise – 5 stjörnu fljótaskipið sem mun sigla með okkur gegnum Egyptaland næstu 13 dagana og borðum hádegisverð á skipinu.
(Morgunverður, hádegisverður og kvöldverður innifalinn)
Dagur 6: 24. október – Frjáls dagur í Aswan – MS Darakum Nile
Frjáls dagur í Aswan, hægt að njóta þess að vera á bátnum, eða skoða sig meira um í Aswan.
(Morgunverður, hádegisverður og kvöldverður innifalinn)
Dagur 7: 25. október – Kom Ombo musterið
Frjáls tími um morguninn, og um 13:30 hefjum við siglinguna og siglum til Kom Ombo. Við heimsækjum Kom Ombo musterið og siglum til Edfu.
(Morgunverður, hádegisverður og kvöldverður innifalinn)
Dagur 8: 26. október – Edfu og Esna skipastiginn
Borðum morgunverð snemma um borð í skipinu og eftir morgunverð heimsækjum við Edfu Musterið á hestvagni. Musterið er risastórt og mikilfenglegt.
Við höldum svo siglingunni áfram og siglum til Luxor. Á leiðinni til Luxor siglum við í gegnum Esna skipastigann sem er áhugaverð upplifun, skipið fer frá suður hliðinni til norðurhliðarinnar með 8 metra lægra vatnsmagni.
Um kvöldið heimsækjum við Luxor musterið.
(Morgunverður, hádegisverður og kvöldverður innifalinn)
Dagur 9: 27. október- Konungadalurinn og Karnak musterið
Aukaferð er VAL fyrir þau sem vilja eldsnemma, þar sem flogið er í loftbelg yfir konungadalinn við sólarupprás.
Við byrjum daginn á morgunverði á skipinu. Við heimækjum vesturbakka Luxor, meðal annars musteri Hatshepsut drottningarinnar og Konungadalinn í Luxor og þau sem vilja geta líka heimsótt gröf farósins Tutankhamun, þar sem hann hvílir.
Seinni partinn heimsækjum við austurbakka Luxor, og skoðum El Karnak musterið sem var stærsta musterið á tímum fornegypta og er stærsta forna musteri sem hefur verið byggt.
(Morgunverður, hádegisverður og kvöldverður innifalinn)
Dagur 10: 28. október – Hathor musterið í Dandara
Núna byrjum við að kanna þann hluta Egyptalands sem örfáir fá að upplifa
Morgunverður um borð í bátnum og við siglum yfir til Quena. Eftir hádegisverð heimsækjum við Hathor musterið í Dandara, eitt best varðveitta musteri Egyptalands. Hathor er gyðja ástar, fegurðar og frjósemis. Dandara musterið í Qena er meðal annars frægt fyrir stjörnuskoðunarþak (Zodiac þak) sem var flutt til Louvre safnsins í París. Eftir heimsóknina siglum við til Naga Hammadi.
(Morgunverður, hádegisverður og kvöldverður innifalinn)
Dagur 11: 29. október – Abydos Seti I
Morgunverður um borð á meðan við siglum til Balyana í gegnum Abu Homar skipastigann og skoðum svo Abydos Seti I musterið sem er eitt besta dæmi um Egypska list og er byggt til heiðurs guðinum Osiris. Abydos musterið er þekkt fyrir vel varðveittar teikningar og þar er listi yfir alla faróana, frá fyrsta faróinum til tíma Ramses II.
Við siglum svo til Sohag, og borðum hádegisverð og kvöldverð á skipinu.
(Morgunverður, hádegisverður og kvöldverður innifalinn)
Dagur 12: 30.október – Frjáls dagur á bátnum og Prince Tawadrous klaustrið
Morgunverður um borð í bátnum á meðan við siglum til Tel El Amarna.
Hádegisverður um borð í bátnum og stoppað fyrir framan Prince Tawadrous klaustrið til þess að sjá klaustrið frá bátnum.
(Morgunverður, hádegisverður og kvöldverður innifalinn)
Dagur 13: 31.október – Tel El Amarna
Eftir morgunmat um borð í bátnum heimsækjum við grafhýsi Tel El Amarna og konunglega grafhýsi Akhnaten, sem var líklegast fyrsti maður sem boðaði eingyðistrú og var einnig pabbi fræga gullkonungsins Tutankhamon og við skoðum einnig litlu musteri Aten.
Akhetaton er ein af fáum borgum Egyptalands hins forna sem hefur verið grafin upp og haldið við á þennan hátt, þar sem fornleifafræðingarnir gátu endurbyggt óvenjulega nákvæma mynd af skipulagi borgarinnar. Borgin var staðsett miðja vegu milli Thebes (Luxor) og Memphis (Kaíró) við bakka Níl, og var byggð á 14 öld fyrir Krist af Egypska kónginum Akhenaton og eiginkonu hans Nefertiti, sem flutti þegna sína þangað frá Luxor til þess að stofna nýja eingyðistrú, trú sólarguðsins Aten.
Myndir af víngerð á tíma faróanna í húsi Osiris
(Morgunverður, hádegisverður og kvöldverður innifalinn)
Dagur 14: 1. nóvember- Beni Hassan
Morgunverður um borð í bátnum, heimsækjum Beni Hassan grafhýsin, forn Egypskan grafreit á austurbakka Níl. Við heimsækjum meðal annars grafhýsi Baquet III, grafhýsi Khety og grafhýsi Amenemhet.
Hádegisverður á bátnum og siglum til Beni Suif og kvöldverður á bátnum.
(Morgunverður, hádegisverður og kvöldverður innifalinn)
Dagur 15: 2. nóvember- Gamla Kaíró
Morgunverður um borð í bátnum og í dag siglum við til Kaíró. Eftir hádegisverð heimsækjum við gömlu Kaíró, hangandi kirkjuna, Abu Serga kirkjuna og Ben Ezra synagog.
(Morgunverður, hádegisverður og kvöldverður innifalinn)
Dagur 16: 3. nóvember – Salah El Din borgarvirkið
Í dag skoðum við Salah El Din borgarvirkið og Muhammad Ali moskuna, og fáum okkur svo hádegisverð á vinsælum egypskum veitingastað. Frjáls tími restina af deginum þar sem hægt er að að njóta seinasta dagsins á bátnum og í Kaíró.
(Morgunverður, hádegisverður og kvöldverður innifalinn)
Dagur 17: 4. nóvember – Heimferðardagur
Eftir morgunverð á skipinu tékkum við okkur út af fljótabátnum og höldum út á flugvöll. Við fljúgum frá Kaíró aftur heim til Íslands með 1 millilendingu.
(Morgunverður innifalinn)
* Athugið að dagskrá getur tekið breytingum.
Innifalið í ferðinni:
- Flug frá Íslandi til Kaíró og aftur heim
- Flugvallagjöld og skattar
- Ferðataska (23 kg) og handfarangur
- Íslensk fararstjórn
- Sérfróður innfæddur enskumælandi leiðsögumaður og Egyptalandsfræðingur
- Innanlands flug frá Kaíró til Aswan
- Gisting og fullt fæði á 5 stjörnu fljótaskipi (12 nætur/13 dagar)
- Gisting í 2 nætur á 5 stjörnu hótelinu Intercontinental Semiramis Cairo Hotel í hjarta Kaíró
- Gisting í 2 nætur á 5 stjörnu hótelinu Movenpick Resort Aswan
- Morgunverður alla daga
- 13 hádegisverðir
- 15 kvöldverðir
- Allar skoðunarferðir og aðgangseyrir skv. ferðaáætlun
- Allar rútuferðir milli flugvalla, hótela og fljótabáts (ekki á Íslandi) í loftkældri rútu og vatnsflöskur innifaldar í rútunni
- Vegabréfsáritun til Egyptalands (fáum hana á flugvellinum í Kaíró fyrir íslenska ríkisborgara)
- Kynningarfundur með fararstjóra fyrir ferðina
EKKI innifalið:
- Þjórfé
- Aðgangur inn í pýramídana, aðgangur að The Royal Mummy room í Egypska safninu, eða aðgangur að Tutankhamun Tomb í Konungadalnum. Má kaupa það á staðnum.
- Valfrjálsar auka ferðir: Abu Simbel, loftbelgur í Luxor og ferð í Nubian þorp
Ferðin kostar : 1.589.000 kr. á mann m.v. 2 fullorðin saman í herbergi.
Einstaklingsherbergi kostar 445.000 kr. aukalega.
Staðfestingargreiðsla er 180.000 kr
Hægt er að bóka sig með í ferðina og greiða staðfestingargreiðslu hér.
Mikilvægt:
- Mælt er með að fólk láti bólusetja sig gegn hinum hefðbundu sjúkdómum. Bóka má tíma og fá nánari upplýsingar hjá heilsugæslunni.
- Vegabréf þurfa að gilda í minnst sex mánuði frá komudegi til Egyptalands.
