Safaríferð til Kenía – 4.-16. febrúar 2023

895.000 kr.

Category:

Description

Safarí ferð til Kenía er einstök upplifun sem er engri lík. Að horfa á fíla og gíraffa borða laufblöðin af trjánum, ljónin veiða sér til matar, og upplifa þessi stórkostlegu dýr í sínu náttúrulega umhverfi, leika, hlaupa og hvíla sig. Við förum í margar safarí ferðir í þessari ferð með innfæddum leiðsögumanni sem veit gífurlega mikið um dýrin og umhverfi þeirra, hvernig við högum okkur þegar við leitum að dýrunum og þegar við erum í návist þeirra. Við förum á þrjú mismunandi svæði í Kenía, hið fræga Masai Mara, Navaisha vatnið og friðlýsta eyjan Cresent og Amboseli við rætur Kilimanjaro.

Dagur 1: 4. Febrúar – Ferðadagur: Keflavík til London 

Við fljúgum með British Aiways frá Keflavík til London og lendum kl. 14:50. Við gistum eina nótt á flugvallahóteli við London Heathrow. Þeir sem vilja geta kíkt til London eða hvílt sig á hótelinu.

Dagur 2: 5. Febrúar – Ferðadagur: London til Naíróbí

Við fljúgum frá London kl. 09:50 og lendum í Naíróbí kl. 21:30 á staðartíma. Við tékkum okkur inn á Sheraton by Four Point Hotel og gistum nóttina þar.

Dagur 3: 6. Febrúar  -Naíróbí – Masai Mara

Eftir morgunverð skráum við okkur út af hótelinu og höldum snemma morguns af stað í átt að Masai Mara. Við keyrum í gegnum Great Rift dalinn í Kenía, og í gegnum Narok sem er eini masai bærinn. Síðan er farið upp vesturvegginn þar sem farið inn í Hemingways-landið sem liggur að Serengeti sléttunum.

Við komum til Masia Mara rétt fyrir hádegisverð og um eftirmiðdaginn förum við í safarí ferð um Masai Mara. Við tékkum okkur inn á Mara Serena Lodge og borðum kvöldverð þar.

Sundlaug
Hjónaherbergi
líkamsrækt
Terrace
previous arrow
next arrow

Dagur 4: 7. Febrúar – Masai Mara

Eftir morgunmat förum við og skoðum veiðidýr/lendur á graslendi með trjávöxnum hlíðum.

Hið fræga Masai Mara er þekkt fyrir stórkostlegar hjarðir af villtum dýrum, svartmakka ljón, hlébarða og blettatígur og allar dýrategundir sem finnast í Kenía. Við keyrum til baka í lodge-ið í hádegisverð og förum svo seinni partinn eftirmiðdegis safaríferð.

(Morgunverður, hádegisverður og kvöldverður innifalinn á Mara Serena Lodge)

Dagur 5: 8. Febrúar -Masai Mara 

Frjáls tími um morguninn og seinni partinn er farið í Safaríferð með valfrjálsum möguleika að heimsækja Masai þorp.

(Morgunverður, hádegisverður og kvöldverður innifalinn á Mara Serena Lodge)

Dagur 6: 9. Febrúar- Masai Mara – Naivasha vatnið

Eftir morgunverð tékkum við út af herberginu eftir morgunverð og á byrjum daginn á Safarí ferð á leiðinni til Naivash. Eftir hádegisverð förum við til eyjunnar Crescent sem er friðað svæði fyrir villt dýralíf. Þeir sem vilja geta bætt við bátsferð um Naivasha vatnið.

Við gistum nóttina og næstu nótt á Lake Naivasha Sopa Lodge.

(Morgunverður á Mara Serena Lodge, hádegisverður og kvöldverður á Lake Naiovasha Sopa Lodge) 

Dagur 7: 10. Febrúar -Frjáls dagur við Naivasha vatnið. 

Frjáls dagur – Hægt að fara í bátsferð og safari göngutúr á Cresent eyjunni.

(Morgunverður, hádegisverður og kvöldverður á Lake Naiovasha Sopa Lodge)

Dagur 8: 11. Febrúar -NAIVASHA-AMBOSELI

Eftir morgunverð tékkum við okkur út og keyrum til Amboseli þjóðgarðsins. Við tékkum okkur inn á Amboseli Serena Lodge þar sem við ættlum að gista næstu tvær nætur. Við borðum hádegisverð á Amboseli Serene Lodge og förum svo í safaríferð seinnipartinn.

20220812_130102
20220812_130038
20220812_130123
20220812_130327
previous arrow
next arrow

(Morgunverður á Lake Naiovasha Sopa Lodge, hádegisverður og kvöldverður á Amboseli Serena Lodge)

Dagur 9: 12. Febrúar AMBOSELI

Eftir morgunverð byrjum við daginn á morgun safarí við fjallsrætur Kilimanjaro fjallsins þar sem við gætum séð ef heppnin er með okkur, svört ljón og svarta fíla, gíraffa, hvíta nashyrninga og fleiri villt dýr og fallegan fjalltop Kilimanjaro. Við keyrum svo aftur að hótelinu okkar þar sem við borðum hádegismat. Þegar fer að kvölda förum við aftur í safarí ferð.

(Morgunverður, hádegisverður og kvöldverður á Amboseli Serena Lodge)

Dagur 10: 13. Febrúar – AMBOSELI-NAIROBI.

Eftir morgunverð förum við í morgun safarí ferð til hádegis.

Eftir hádegisverð tékkum við okkur út af hótelinu og keyrum aftur til Nairobi og tékkum okkur aftur inn á 4 Point Sheraton.

Dagur 11: 14 Febrúar – Frjáls dagur í Naíróbí

Dagur 12: 15. Febrúar-NAIROBI-AIRPORT

Eftir morgunverð förum við í ferð um höfuðborgina Nairóbí. Um kvöldið keyrum við upp á flugvöll, flugið okkar er kl. 23:25 og millilendum við í 2 tíma og 15 mínútur í London á leiðinni heim aftur til Íslands þar sem við lendum kl. 11:20 næsta dag.

*athugið að dagskrá getur tekið breytingum

Innifalið í ferðinni:

  • Flug fram og til baka með British Airways
  • Flugvallagjöld og skattar
  • Ferðataska og handfarangur
  • Íslensk fararstjórn
  • Allar rútuferðir og safarí ferðir
  • Morgunverður alla daga
  • Fullt fæði í Masai Mara, Naivasha og Ambosel
  • Allar skoðunarferðir og aðgangseyrir skv. ferðaáætlun
  • Sérfróður innfæddur enskumælandi farastjóri
  • Allar ferðir milli flugvalla og hótela, komu og brottfara staða (ekki á Íslandi)

EKKI innifalið:

  • Vegabréfsáritun til Kenía (50 USD)
  • Þjórfé
  • Drykkir
  • Valkvætt að bæta við fyrir þá sem vilja: Bátsferð um Naivasha vatnið (10 USD) og Masai þorps heimsókn (20 USD) 

Mikilvægt:

Mælt er með að fólk láti bólusetja sig gegn hinum hefðbundu sjúkdómum. Bóka má tíma og fá nánari upplýsingar hjá https://vinnuvernd.is/thjonusta/ferdavernd/

  • Ferðin kostar : 895.000 kr.á mann m.v. 2 fullorðin saman í herbergi.
  • Einstaklingsherbergi kostar 90.000 kr. aukalega.

Hægt er að greiða staðfestingargjald hér