Ferðalýsing
Menningar og sólarferð til Egyptalands
Einstök 14 daga ferð til Egyptalands. Í ferðinni fáum við að kynnast fornri menningu Egypta sem er meira en 6000 ára gömul, með íslenskum fararstjóra og enskumælandi egypskum Egyptalandsfræðingi. Við gistum í Kaíró með útsýni yfir Níl ánna, fljúgum svo suður til Aswan þar sem við gistum á elephantin eyjunni á Níl, og hefjum svo 3 nátta ógleymanlegri siglingu niður Níl ánna, lífæð Egyptalands, á Mövenpick fljótaskipi til Luxor og endum á 3 nátta dvöl á glæsilegu all inclusive resorti við Rauðahafið.
Fararstjóri í ferðinni er Soffía Valdimarsdóttir. Soffía brennur fyrir ferðalögum og hefur ferðast víða og er þaulvön skipulagningu og ferðalögum með fjölda hópa innanlans og utan. Hún er fædd og uppalin í Reykjavík og hefur búið í Vestmannaeyjum síðustu 12 ár. Soffía kynntist fyrst Egyptalandi í ferð með Kleopatratours og heillaðist það mikið af landi og þjóð að hún tók að sér að vera fararstjóri hópa og leyfa fleirum að upplifa með sér leyndardóma Egyptalands.
Í þessari ferð heimsækjum við Sfinxinn og píramídana, eitt af sjö undrum veraldar. Við heimsækjum líka musteri faróanna, moskur og markaði, förum í þriggja daga fljótasiglingu á Níl, heimsækjum dal konunganna og grafhýsin, og við endum svo við Rauðahafið þar sem við getum slakað á og notið sólarinnar á all-inclusive 5 stjörnu resort.
Dagur 1: 14. janúar – Ferðadagur til Egyptalands
Við fljúgum frá Íslandi kl. 07:35 og millilendum í Kaupmannahöfn. Við lendum í Kaíró kl. 20:35. Rúta bíður okkar á flugvellinum og keyrir okkur á hótelið okkar. Við komuna til Kaíró tékkum við okkur inn á 5 stjörnu InterContinental Semiramis Cairo Hotel í hjarta Kaíró, við Níl ánna og Tahrir torgið, þar sem við gistum fyrstu 3 næturnar með útsýni út á Níl.
Dagur 2: 15. janúar – Píramídarnir og Sfinxinn, Sakkara og Memphis
Eftir morgunmat er komið að því að skoða það sem flestir hafa beðið eftir, að sjá píramídana og Sfinxinn í Giza. Við heimsækjum einnig Sakkara, gömlu þrepapíramídana og fornminjar Memphis, höfuðborg Egyptalands hins forna.
(Morgunverður, hádegisverður og kvöldverður innifalin)
Dagur 3: 16. janúar – Kastalinn í Kaíró og Egypska safnið
Í dag kynnumst við stórborginni Kaíró ennþá betur. Við heimsækjum Salah El Din borgarvirkið í hjarta borgarinnar, og hið glæsilega Þjóðmynjasafn Egyptalands. Við borðum hádegisverð á milli heimsókna á vinsælum Egypskum veitingastað.
(Morgunverður og hádegisverður innifalinn)
Dagur 4: 17. janúar – Aswan
Eftir morgunverðinn skráum við okkur út af hótelinu og fljúgum niður til suður Egyptalands þar sem við byrjum upplifun okkar af hinu töfrandi Egyptalands hins forna í Aswan.
Við tékkum okkur inn á 5 stjörnu Movenpick Resort Aswan Hotel á Elefantín eyjunni og gistum næstu tvær næturnar þar. Restin af deginum er frjáls.
Hægt er að njóta glæsilegs kvöldverðarhlaðborðs Mövenpick úti á verönd hótelsins.
(Morgunverður og kvöldverður innifalinn)
Dagur 5: 18. janúar – Hástíflan, Philae hofið og óbelísk
Eftir morgunverð skoðum við Hástífluna í Aswan og Philae hofið og hina ókláruðu broddsúlu (óbelísk).
Restina af deginum er hægt að skoða Aswan, fara í siglingu á Felucca bát á Nílánni, þar sem farið er í heimsókn í lítið Nubian þorp, eða slaka á í sólinn og njóta útsýnisins á hótelinu.
(Morgunverður og hádegisverður innifalinn)
Dagur 6: 19. janúar – Frjáls dagur í Aswan og Níl
Frjáls dagur. Eldsnemma morguns er VAL að bæta við heimsókn í Abu Simbel musterið, eitt af frægustu musterum heimsins.
Við tékkum okkur inn á fimm stjörnu fljótabátinn okkar, Movenpick MS Hamees. Við byrjum á að koma okkur fyrir í káetunum okkar og borðum svo hádegismat á bátnum. Frjáls tími restin af deginum.
(Morgunverður, hádegisverður og kvöldverður innifalinn)
Dagur 7: 20. janúar – Sigling á Nílarfljótinu
Í dag byrjum við siglinguna á Nílarfljótinu til Luxor. Það er stór upplifun að sigla eftir Níl, lengsta fljóti í Afríku þar sem báðir bakkar fljótsins eru fullir af leyndardómum Egyptalands.
Við njótum siglingarinnar og heimsækum Kom Ombo musterið.
Eftir hádegisverð heimsækjum við Edfu Musterið á hestvagni. Musterið er risastórt og mikilfenglegt.
Við njótum útsýnisins frá bátnum og slökum á restina af deginum, og borðum svo kvöldmat um borð í bátnum.
Við höldum siglingunni áfram og siglum til Luxor. Á leiðinni til Luxor siglum við í gegnum Esna skipastigann sem er merkileg upplifun, skipið fer frá suður hliðinni til norðurhliðarinnar með lægra vatnsmagni.
(Morgunverður, hádegisverður og kvöldverður innifalinn)
Dagur 8: 21. janúar – El Karnak og Luxor musterin
Eldsnemma morguns er val að bæta við loftbelg yfir Luxor sem er einstök upplifun.
Í dag heimsækum við austurbakka Luxor. Við borðum hádegisverð á bátnum og eftir hádegisverð heimsækjum við El Karnak musterið, stærsta musteri heimsins og hið glæsilega Luxor musteri.
(Morgunverður, hádegisverður og kvöldverður innifalinn)
Dagur 9: 22. janúar – Konungardalur og Hatshepsut Mustri
Við borðum morgunverð snemma og tékkum okkur út af fljótabátnum. Í dag heimækjum við hinn þekkta vesturbakka Luxor, meðal annars sjáum við Memnon stytturnar, heimsækjum Konungadalinn í Luxor og musteri Hatshepsut drottningarinnar.
Hægt er að bæta við að fara inn í gröf farósins Tutankhamun fyrir þau sem vilja.
Eftir heimsóknir dagsins tékkum við okkur inn á Sonesta Saint George Luxor hótel og borðum kvöldverð á hótelinu.
(Morgunverður og kvöldverður innifalinn)
Dagur 10: – 23. janúar – Rauðahafið
Eftir morgunverð á hótelinu keyrum við með rútunni okkar eftir hraðbrautinni í gegnum eyðimörkina til Hurgada.
Við komuna til Hurgada tékkum við okkur inn á 5 stjörnu Jaz Aquamarine Resort, þar sem við dveljum í 3 nætur. Á hótelinu er allt innifalið, bæði matur og allir drykkir.
Það eru 20 sundlaugar á svæðinu, 3 vatnsrennibrautagarðar og beinn aðgangur að einkaströnd við Rauðahafið.
(Morgunverður, hádegisverður og kvöldverður innifalinn og drykkir (All Inclusive))
Dagur 11 og 12 : 24. og 25. janúar – Frjáls tími í Hurgada
Resortið okkar í Hurgada er stórt og flott og margir velja að vera á resortinu og njóta og hvíla sig eftir upplifun daganna á undan.
Í Hurgada eru allskonar auka ferðir sem hægt er að bæta við fyrir þá sem vilja, þegar komið er á staðinn. Vinsælast hefur tildæmis verið að fara á mótorhjól í Sahara eyðimörkinni, kafbátaferð í Rauðahafinu, snorkling og fleira.
(Morgunverður, hádegisverður og kvöldverður innifalinn og drykkir (All Inclusive))
Dagur 13: 26. janúar – Ferðumst til Kaíró
Morgunverður á hótelinu, tékkum okkur svo út og fljúgum til Kaíró.
Tékkum okkur inn á flugvallarhótelið Le Meridien Cairo Airport Hotel og gistum nóttina þar.
(Morgunverður innifalinn)
Dagur 14: 27. janúar – Ferðumst heim til Íslands
Tékkum okkur út snemma og fljúgum kl 09:55 aftur heim með Egyptair, við millilendum á leiðinni til Íslands í Kaupmannahöfn. Þeir sem vilja hafa tíma til að skreppa til dæmis á Strikið í smá stund áður en flogið er heim. Við fljúgum klukkan 20:50 frá Kaupmannahöfn og lendum aftur heima á Íslandi kl 23:20 sama dag.
(Morgunverður innifalinn)
* Athugið að dagskrá getur tekið breytingum
Innifalið í ferðinni:
- Flug fram og til baka með Icelandair og Egyptair.
- Flugvallagjöld og skattar
- Ferðataska (23 kg) og handfarangur
- Íslensk fararstjórn
- Sérfróður innfæddur enskumælandi leiðsögumaður
- Innanlands flug frá Kaíró til Aswan og frá Hurghada til Kaíró
- Morgunverður alla daga
- Fullt fæði á fljótaskipi (3 nætur)
- Fullt fæði í Hurghada og allir drykkir líka innifaldir (3 nætur)
- Allar rútuferðir í loftkældum rútum
- Allar rútur eru með wifi og alltaf vatnsflöskur innifaldar í rútunum
- Hádegisverðir og kvöldverðir samkvæmt ferðalýsingu
- Allar skoðunarferðir og aðgangseyrir skv. ferðaáætlun
- Allar ferðir milli flugvalla og hótela, komu og brottfara staða (ekki á Íslandi)
- Áritun til Egyptalands, á flugvellinum í Kaíró fyrir íslenska ríkisborgara
- Kynningarfundur með hópnum fyrir brottför
EKKI innifalið:
- þjórfé
- Aukaferðir, valkvætt að bæta við: Aðgangur inn í pýramídana og/eða aðgangur að Tutankhamun grafhýsinu í Konungadalnum. Má kaupa það á staðnum.
- Hægt að bæta við loftbelg yfir Luxor og ferð til Abu Simbel
- Aðrar auka ferðir
Ferðin kostar : 679.000 kr.á mann m.v. 2 fullorðin saman í herbergi.
Einstaklingsherbergi kostar 175.000 kr. aukalega.
Staðfestingargjald er 90.000 kr. . Hægt er að greiða staðfestingargjaldið hér.
Mikilvægt:
- Mælt er með að fólk láti bólusetja sig gegn hinum hefðbundu sjúkdómum. Bóka má tíma og fá nánari upplýsingar hjá heilsugæslunni eða á: https://vinnuvernd.is/thjonusta/ferdavernd/
- Vegabréf þurfa að gilda í 6 mánuði eftir brottfaradag frá Egyptalandi.
