Ferðalýsing
Menningar og sólarferð til Egyptalands
Einstök 14 daga ferð til Egyptalands. Í ferðinni fáum við að kynnast fornri menningu Egypta sem er meira en 6000 ára gömul, með íslenskum fararstjóra og enskumælandi egypskum Egyptalandsfræðingi. Við gistum í Kaíró með útsýni yfir Níl ánna, fljúgum svo suður til Aswan þar sem við gistum á elephantin eyjunni á Níl, og hefjum svo 3 nátta ógleymanlegri siglingu niður Níl ánna, lífæð Egyptalands, á Mövenpick fljótaskipi til Luxor og endum á 3 nátta dvöl við Rauðahafið.
Fararstjóri í ferðinni er Stefanía Guðmundsdóttir. Stefanía hefur mikla ástríðu fyrir menningu og sögu Mið-Austurlanda. Hún hefur stundað nám í arabísku í nokkur ár og ferðast til margra landa í Mið-Austurlöndum. Auk Egyptalands hefur hún ferðast um Jórdaníu, Sýrland og dvalist mikið í Marokkó og meðal annars séð um skipulagningu hópaferða þangað. Stefanía leggur auk þess stund á magadans og austurlenska dansa. Hún er sjúkraliði að mennt og hefur unnið á þeim vettfangi til margra ára.
Hægt er að bóka sig með í ferðina og greiða staðfestingargjald fyrir ferðina hér
Ferðalýsing
Dagur 1: 15. apríl – Ferðadagur til Egyptalands
Við fljúgum frá Íslandi kl. 00:25 og millilendum í Frankfurt. Við lendum í Kaíró kl. 14:20. Rúta bíður okkar á flugvellinum og keyrir okkur á hótelið okkar. Við komuna til Kaíró tékkum við okkur inn á Sofitel Gezira 5 stjörnu hótelið okkar við Níl ánna í hjarta Kaíró þar sem við gistum fyrstu 3 næturnar. Restinn af deginum er frjáls.
Dagur 2: 16. apríl –Kastalinn í Kaíró og Egypska safnið
Í dag byrjum við að kynnast stórborginni Kaíró. Við heimsækjum Salah El Din borgarvirkið í hjarta borgarinnar, og heimsækjum svo Siðmenningarsafn Egyptalands. Við borðum hádegisverð á milli heimsókna á vinsælum Egypskum veitingastað.
(Morgunverður og hádegisverður innifalin)
Dagur 3: 17. apríl – Píramídarnir, Sfinxinn og þjóðminjasafnið
Eftir morgunmat er komið að því að skoða það sem flestir hafa beðið eftir, að sjá píramídana og Sfinxinn í Giza. Eftir hádegisverð heimsækjum við hið þekkta þjóðminjasafn Egyptalands.
(Morgunverður og hádegisverður innifalinn)
Dagur 4: 18. apríl – Aswan stíflan og Philae hofið
Eftir morgunverðinn skráum við okkur út af hótelinu og fljúgum niður til suður Egyptalands þar sem við byrjum upplifun okkar af hinu töfrandi Egyptalands hins forna í Aswan.
Þegar við lendum, skoðum við háu Aswan stífluna og Philae hofið.
Við tékkum okkur inn á 5 stjörnu Movenpick Resort Aswan Hotel á Elefantín eyjunni og gistum eina nótt þar. Hægt er að njóta glæsilegs kvöldverðarhlaðborðs Mövenpick úti á verönd hótelsins.
(Morgunverður innifalinn)
Dagur 5: 19. apríl – Fljótabátur og Abu Simbel
Frjáls dagur. Eldsnemma morguns er VAL að bæta við heimsókn í Abu Simbel musterið, eitt af frægustu musterum heimsins.
Við tékkum okkur inn á fimm stjörnu fljótabátinn okkar, MS Sonesta Moon Goddess. Við byrjum á að koma okkur fyrir í káetunum okkar og borðum svo hádegismat á bátnum. Frjáls tími restin af deginum.
Valfrjálst að bæta við bátsferð á Felucca bát á Níl, þar sem við siglum meðal annars framhjá hótelinu þar sem Agatha Christie sat við skriftir og skrifaði bókina Dauðinn á Níl og svo siglum við í Nubian þorp sem við heimsækjum.
(Morgunverður, hádegisverður og kvöldverður innifalinn)
Dagur 6: 20. apríl – Sigling á Nílarfljótinu
Í dag byrjum við þriggja daga siglinguna á Nílarfljótinu til Luxor. Það er stór upplifun að sigla eftir Níl, lengsta fljóti í Afríku þar sem báðir bakkar fljótsins eru fullir af leyndardómum Egyptalands.
Við njótum siglingarinnar og heimsækum Kom Ombo musterið.
Eftir hádegisverð heimsækjum við Edfu Musterið á hestvagni. Musterið er risastórt og mikilfenglegt.
Við njótum útsýnisins frá bátnum og slökum á restina af deginum, og borðum svo kvöldmat um borð í bátnum.
(Morgunverður, hádegisverður og kvöldverður innifalinn)
Dagur 7: 21. apríl – Konungardalur og Hatshepsut Mustri
Við höldum siglingunni áfram og siglum til Luxor. Á leiðinni til Luxor siglum við í gegnum Esna skipastigann sem er merkileg upplifun, skipið fer frá suður hliðinni til norðurhliðarinnar með lægra vatnsmagni.
Við heimækjum vesturbakka Luxor, meðal annars Konungadalinn í Luxor og musteri Hatshepsut drottningarinnar.
Hægt er að bæta við að heimækja gröf farósins Tutankhamun.
(Morgunverður, hádegisverður og kvöldverður innifalinn)
Dagur 8: 22. apríl – El Karnak og Luxor musterin
Við borðum morgunverð snemma og tékkum okkur út af fljótabátnum.
Í dag heimsækum við austurbakka Luxor. Eftir morgunverð heimsækjum við El Karnak musterið, stærsta musteri heimsins.
Eftir hádegisverð tékkum við okkur inn á Luxor á Sonesta Saint George Luxor hótel.
Kvöldheimsókn í hið glæsilega Luxor musteri.
(Morgunverður og hádegisverður innifalinn)
Dagur 9: 23. apríl – Luxor
Í dag eigum við frjálsan dag í Luxor.
Aukaferð er VAL fyrir þau sem vilja eldsnemma, þar sem flogið er í loftbelg yfir konungadalinn við sólarupprás.
(Morgunverður innifalinn)
Dagur 10: 24. apríl – Rauðahafið og Hurgada
Eftir morgunverð á hótelinu keyrum við með rútunni okkar eftir hraðbrautinni í gegnum eyðimörkina til Hurgada.
Við komuna til Hurgada tékkum við okkur inn á 5 stjörnu Jaz Aquamarine Resort, þar sem við dveljum í 4 nætur. Á hótelinu er allt innifalið, bæði matur og allir drykkir.
Það eru 20 sundlaugar á svæðinu, 3 vatnsrennibrautagarðar og beinn aðgangur að einkaströnd við Rauðahafið.
(Morgunverður, hádegisverður og kvöldverður innifalinn og drykkir (All Inclusive))
Dagur 11 og 12: 25.-26. apríl – Frjáls tími í Hurgada
Resortið okkar í Hurgada er stórt og flott og margir velja að vera á resortinu og njóta og hvíla sig eftir upplifun daganna á undan.
Í Hurgada eru allskonar auka ferðir sem hægt er að bæta við fyrir þá sem vilja, þegar komið er á staðinn. Vinsælast hefur tildæmis verið að fara á mótorhjól í Sahara eyðimörkinni, kafbátaferð í Rauðahafinu, snorkling og fleira.
(Morgunverður, hádegisverður og kvöldverður innifalinn og drykkir (All Inclusive))
Dagur 13: 27. apríl – Ferðumst til Kaíró
Morgunverður á hótelinu, tékkum okkur svo út og fljúgum til Kaíró.
Tékkum okkur inn á Le Meridien Cairo Airport Hotel og gistum nóttina þar.
Frjáls tími.
(Morgunverður innifalinn)
Dagur 14: 28. apríl – Ferðumst heim til Íslands
Við borðum morgunverð og tékkum okkur út rétt fyrir hádegi og göngum saman á flugvellinn sem er tengdur hótelinu. Við fljúgum kl 15:20 aftur heim með Lufthansa með stuttri millilendingu í Frankfurt. Við lendum aftur heima á Íslandi kl 23:30 sama dag.
(Morgunverður innifalinn)
* Athugið að dagskrá getur tekið breytingum
Innifalið í ferðinni:
- Flug fram og til baka með Lufthansa
- Flugvallagjöld og skattar
- Innrituð ferðataska (23 kg) og handfarangur
- Íslensk fararstjórn
- Sérfróður innfæddur enskumælandi leiðsögumaður
- Innanlands flug frá Kaíró til Aswan og frá Hurghada til Kaíró
- Morgunverður alla daga
- Fullt fæði á fljótaskipi (3 nætur)
- Fullt fæði í Hurghada og allir drykkir líka innifaldir (3 nætur)
- Allar rútuferðir í loftkældum rútum
- Allar rútur eru með wifi og alltaf vatnsflöskur innifaldar í rútunum
- Hádegisverðir og kvöldverðir samkvæmt ferðalýsingu
- Allar skoðunarferðir og aðgangseyrir skv. ferðaáætlun
- Allar ferðir milli flugvalla og hótela, komu og brottfara staða (ekki á Íslandi)
- Áritun til Egyptalands, á flugvellinum í Kaíró fyrir íslenska ríkisborgara
EKKI innifalið:
- þjórfé
- Aukaferðir, valkvætt að bæta við: Aðgangur inn í pýramídana, aðgangur að The Royal Mummy room í Egypska safninu, eða aðgangur að Tutankhamun Tomb í Konungadalnum. Má kaupa það á staðnum.
- Hægt að bæta við loftbelg yfir Luxor og ferð til Abu Simbel
- Aðrar auka ferðir, eins og sigling til Núbían þorpsins sem hægt er að ákveða á staðnum.
Ferðin kostar : 775.000 kr.á mann m.v. 2 fullorðin saman í herbergi.
Einstaklingsherbergi kostar 205.000 kr. aukalega.
Staðfestingargjald er 90.000 kr. Hægt er að greiða staðfestingargjaldið hér.
Mikilvægt:
- Mælt er með að fólk láti bólusetja sig gegn hinum hefðbundu sjúkdómum. Bóka má tíma og fá nánari upplýsingar hjá heilsugæslunni eða á: https://vinnuvernd.is/thjonusta/ferdavernd/
- Vegabréf þurfa að gilda í 6 mánuði eftir brottfaradag frá Egyptalandi.
