Uppselt: Menningar og sólarferð til Egyptalands 4-16. október 2022

Category:

Description

Menningarferð til Egyptalands

Einstök 12 daga ferð til Egyptalands. Í ferðinni fáum við að kynnast fornri menningu Egypta sem er meira en 6000 ára gömul, með íslenskumælandi Egypta sem fararstjóra, við gistum í Cairo með útsýni á pýramídana og við Níl ánna, heimsækjum Aswan ásamt 3 nátta ógleymanlegri siglingu niður Níl ánna á fljótaskip til Luxor og 3 nátta dvöl við Rauðahafið.

Omar Salama er fararstjóri í ferðinni, hann hefur búið á Íslandi síðastliðin 17 ár, en er fæddur og uppalinn í Egyptalandi. Það þekkja hann margir Íslendingar úr skákheiminum. Hann fæddist í Alexandríu og bjó svo í Kaíró til 25 ára aldurs, þegar hann flutti til Íslands. Hann þekkir því vel menningu bæði Egyptalands og Íslands og hefur mikla þekkingu á þessu fjölmenna landi þar sem búa fleiri en 100 milljón manns. Í ferðin okkar verða líka sérfróðir innfæddir enskumælandi fararstjórar ásamt Omari.

Í þessari ferð heimækjum við Sfinx og píramídana, eitt af sjö undrum veraldar. Við heimsækjum líka musteri faróanna, moskur og markaði, förum í þriggja daga fljótasiglingu á Níl, heimsækjum dal konunganna, og við endum svo við Rauðahafið þar sem við getum slakað á og notið sólarinnar á all-inclusive 5 stjörnu resort.

Dagur 1: 4. október – Ferðadagur til Egyptalands

Við ferðumst með Lufthansa frá Íslandi kl. 13:50 með tveggja tíma millilendingu í Frankfurt. Við komuna til Kaíró tékkum við okkur inn á Steigenberger Pyramids Cairo.

   Útsýni frá Steigenberger hótelinu okkar yfir píramídana.

Dagur 2: 5. október  –Kastalinn í Kaíró og Egypska safnið

Í dag byrjum við að kynnast stórborginni Kaíró. Við heimsækjum Salah El Din kastalann í hjarta borgarinnar og þjóðminjasafn Egyptalands. 

(Morgunverður og hádegisverður innifalin)

Dagur 3: 6.október– Píramídarnir, Sfinxinn og Sakkara

Eftir morgunmat er komið að því að skoða það sem flestir hafa beðið eftir, að sjá píramídana og Sfinxinn í Giza. Við byrjum ferðina á að skoða Sakkara sem var undanfari píramídana. 

Við borðum hádegismat og kvöldmat á milli heimsókna á vinsælum Egypskum veitingastöðum í Kaíró.

(Morgunverður og hádegisverður innifalinn)

Dagur 4: 7. október – Aswan stíflan, Philae hofið og obelisk

Eftir morgunverðinn skráum við okkur út af hótelinu og fljúgum niður til suður Egyptalands þar sem við byrjum upplifun okkar af hinu töfrandi Egyptalands hins forna í Aswan.  

‏‏Þegar við lendum, skoðum við háu Aswan stífluna, Philae hofið og hina ókláraðu obilisk súlu í Aswan. 

Við tékkum okkur inn á fimm stjörnu fljótabátinn okkar, Við byrjum á að koma okkur fyrir í káetunum okkar og borðum hádegismat á skipinu.

(Morgunverður, hádegisverður og kvöldverður innifalinn)

 

Dagur 5: 8. október Sigling á Nílarfljótinu

Snemma morguns er VAL að bæta við heimsókn í Abu Simbel musterið, eitt af frægustu musterum heimsins

Í dag byrjum við þriggja daga siglinguna á Nílarfljótinu til Luxor. Það er stór upplifun að sigla eftir Níl, lengsta fljóti í Afríku þar sem báðir bakkar fljótsins eru fullir af leyndardómum Egyptalands.

Við njótum siglingarinnar og heimsækum Kom Ombo musterið. 

Við njótum útsýnisins frá bátnum og slökum á restina af deginum, og borðum svo kvöldmat á bátnum.

(Morgunverður, hádegisverður og kvöldverður innifalinn)

Dagur 6: 9. október Sigling

Eftir morgunverð heimsækjum Edfu Musterið á hestvagni. Musterið er risastórt og mikilfenglegt.

Við höldum siglingunni áfram og siglum til Luxor. Á leiðinni til Luxor siglum við í gegnum Esna skipastigann sem er merkileg upplifun, skipið fer frá suður hliðinni til norðurhliðarinnar með lægra vatnsmagni.

Heimsækjum hið glæsilega Luxor musteri.

(Morgunverður, hádegisverður og kvöldverður innifalinn)

Dagur 7: 10. október 

Við borðum morgunverð snemma og tékkum okkur út af fljótabátnum.

Við heimækjum vesturbakka Luxor, meðal annars Konungadalinn í Luxor, drottningardalinn og musteri Hatshepsut drottningarinnar. 

Hægt er að bæta við að heimækja gröf farósins Tutankhamun. 

Við borðum bæði hádegismat og kvöldmat í Luxor.

Við gistum nóttina í Luxor á Sonesta Saint George Luxor hótel, og borðum saman kvöldverð á hótelinu.

(Morgunverður, hádegisverður og kvöldverður innifalinn)

Dagur 8: 11. október Karnak og Hurgada

Eftir morgunverð förum við og heimsækjum Karnak musterið, stærsta musteri heimsins. 

Eftir heimsóknina keyrum við með rútunni okkar til Hurgada.

Við komuna til Hurgada tékkum við okkur inn á 5 stjörnu Jaz Aquamarine Resort, þar sem við dveljum í 3 nætur. Á hótelinu er allt innifalið, bæði matur og allir drykkir. 

Það eru 20 sundlaugar á svæðinu, 3 vatnsrennibrautagarðar og beinn aðgangur að einkaströnd við Rauðahafið.

(Morgunverður, hádegisverður og kvöldverður innifalinn)

Dagur 9 og 10: 12 og 13 október- Frjáls tími í Hurgada

Resortið okkar í Hurgada er stórt og flott og margir velja að vera á resortinu og njóta og hvíla sig eftir upplifun daganna á undan. 

Í Hurgada eru allskonar auka ferðir sem hægt er að bæta við fyrir þá sem vilja, þegar komið er á staðinn. Vinsælast hefur tildæmis verið að fara á mótorhjól í Sahara eyðimörkinni, kafbátaferð í Rauðahafinu, snorkling og fleira.

(Morgunverður, hádegisverður og kvöldverður innifalinn)

Dagur 11: 14 október

Morgunverður á hótelinu, tékkum okkur svo út og fljúgum til Cairo.

Tékkum okkur inn á Steigenberger Cairo Tahrir við Tahrir torgið.

(Morgunverður innifalinn)

Dagur 12: 15 október Frjáls dagur í Cairo

Frjáls dagur í dag til að njóta Cairo. 

(Morgunverður innifalinn)

Dagur 13: 16 október – Ferðumst heim til Íslands

Tékkum okkur út og fljúgum kl 15:25 aftur heim og komum til Íslands kl 23:30 sama dag.

(Morgunverður innifalinn)

Innifalið í ferðinni:

  • Flug fram og til baka með Lufthansa .
  • Flugvallagjöld og skattar
  • Ferðataska og handfarangur
  • Íslensk fararstjórn
  • Innanlands flug frá Kaíró til Aswan og frá Hurghada til Kaíró
  • Morgunverður alla daga
  • Fullt fæði á fljótaskipi (3 nætur)
  • Fullt fæði í Hurghada og alla drykkir líka innifaldir
  • Allar rútuferðir í loftkældum rútum
  • Háðegisverðir og kvöldverðir samkvæmt ferðalýsing.
  • Allar skoðunarferðir og aðgangseyrir skv. ferðaáætlun
  • Sérfróður innfæddur enskumælandi farastjóri
  • Allar ferðir milli flugvalla og hótela, komu og brottfara staða (ekki á Íslandi)
  • Áritun til Egyptalands, fæst  á flugvellinum í Kaíró fyrir Íslenska ríkisborgara

EKKI innifalið:

  • þjórfé
  • Valkvætt að bæta við: Aðgangur inn í pýramídana, aðgangur að The Royal Mummy room í Egypska safninu, eða aðgangur að Tutankhamun Tomb í Konungadalnum. Má kaupa það á staðnum.  
  • Einnig er hægt að bæta við loftbelg yfir Luxor og ferð í Abu Simbel

Mikilvægt:

Mælt er með að fólk láti bólusetja sig gegn hinum hefðbundu sjúkdómum. Bóka má tíma og fá nánari upplýsingar hjá https://vinnuvernd.is/thjonusta/ferdavernd/